Jóannes í Króki 200 ár

Ritstjórn: Dorete Bloeh (høvuðsritstjóri), Andras Kristiansen, Sjúrður Rasmussen

Ritstjórnargestir: Eyðun Andreassen, Rannveig Winther

Útgevari: Mentunargrunnur Føroya Løgtings

Permumyndir: Á forsíðuni: Sandoyarbók. Mynd: Kgs. bókasavnið í Keypmannahavn.
Á baksíðuni: Minnisvarðin yvir Jóannes í Króki verður avdúkaður 2. juli 1994 í Króki heima á Sandi.
Foto: Gunnar Bjarnason.

Hetta nummarið av Fróðskaparritum snýr seg í síni heild um ta kvæðaráðstevnu, ið varð hildin heima á Sandi 30. juni til 3. juli í ár í sambandi við at 200 ár eru liðin, síðani kvæðasavnarin Jóannes í Króki varð borin í heim. Ritstjórnin er tí víðkað hesuferð við Rannveig Winther og Eyðuni Andreassen, ið fyrireikaðu ráðstevnuna. Innihaldið í blaðnum eru allir fyrilestrarnir og framløgurnar á ráðstevnuni. At hetta er tilfar, upprunaliga gjørt sum fyrilestrar, ger eisini tað, at blaðstjórnin í summum hevur vikið frá teimum reglum fyri tilfar, ið eru lýstar í høvundaleiðbeiningini. Blaðstjórnin hevur hildið, at tilfarið er  áhugavert og eigur at koma út í síni heild, so tað gevur eina fullfíggjaða mynd av ráðstevnuni. Oktober 1994, Víðkaða ritstjórnin