Die Präteritopräsentien im Färoischen

Abstract

Ritgerðin er eitt tillag til søguligu og landafrøðiligu formfrøðina i føroyskum, ið enn er lítið skrivað um. Av teim 10 nútáligu sagnorðunum í fornnorrønum eru bert eg veit, kann, skal, man, má varðveitt í heild; í Suðuroy og Norðuroyggjunum eru man og má komin i bland. Hinumegin er vil runnið heilt saman við nútáligu sagnorðini. I hinum einstøku bendingarformunum koma til sjóndar ávísar sergerðir, ólikar eftir landspørtum: fyrst og fremst í 2. persóni í eintali, har ið merkingarmunur er millum tú skalt og tú skal, og í fleirtali, har ið tilbrigdi sum mega, moga, mugu verða nýtt hvørt um annað (sbr. kortið).