Platon: Drykkjuveitslan og aðrar samrøður

Abstract

Her birtast sum Setursrit 5 týðingar Janusar Djurhuus eftir Platon. Janus týddi fimm samrøður, dialogar, eftir Platon; tó týddi hann bara brot av teirri fimtu, „Faidon“. Týðingarnar komu upprunaliga út í tveimum bókum: Verjurøða Sokratessar – Kriton – Faidon, ið kom út fyrstu ferð í Havn 1931; og Symposion – Gorgias, sum Føroyingafelag í Keypmannahavn gav út í 1938. Nú næstan 80 ár seinni koma týðingarnar út í einari bók. Endamálið við útgávuni er at geva lesarum høvi til at lesa hesar hugtakandi hálvttriðjatúsund ára gomlu bókmentirnar, í senn fremmandar og heimakunnugar, í týðingini hjá Janusi skaldi.

Í bókini eru tvær greinir, onnur eftir Berg Djurhuus Hansen, cand.mag. í søgu og donskum, um forna Grikkaland; hin eftir Jógvan Hansen, cand.phil. í heimspeki, um Platon og heimspeki hansara.